Pu Luong Natural Reserve

再過一星期我又出發到越南，今年選擇在4月出發原因都是想趁著踏入雨季前走走越南。

半年多前已訂好機票，籌劃好路線。今次我會從越南最北到最南，河內入胡志明市走，中間我會停會安，騎單車走顺化一小段。長達15天行程。咁耐？.....唔耐？....因我太愛你想見多你幾面！

今次行程最令我興奮係，從河內騎電單車入自然生態區，車程長達4個多小時，沿途風景靚绝，唔知會唔會迷路？我今次靠哂google map. 之前做好資料搜集，問好租車價格，我會用150cc的棍波車，但我其實都未正式揸過棍波，只是考牌是棍波，我一向用自動波車的。希望好快上手。

我去的目的地是PU LUONG NATURAL RESERVE. 距離河內149km,是一個受國家保護的生態公園，暫時未有被旅遊業開發的。由搜集得來的相片，我見那裡全部由一級一級的梯田覆蓋著，四周被山巒包圍，山腳下放了原住民小木屋，全是簡陋稻草埋砌。一幅一幅照片在google map上我已經百看不厭。所以我決定做個真正的背包客讓自己去睇下這國度。乜嘢叫生態，乜嘢叫未開發....!

到時我用直播帶大家走入地球另一個國度。
www.puluongretreat.com